Binəqədi Rayon Gənclər və İdman İdarəsi və Binəqədi Gənclər Evinin birgə təşkilatçılığı ilə “Vətən sizi unutmayacaq!” adlı görüş təşkil edilib.
Bineqedi.info saytına verilən məlumata görə, görüş Vətən müharibəsi Şəhidləri Bəhrəm və İman Məmmədzadənin valideyni Elman Məmmədovla keçirilib.
Görüşdə Binəqədi Gənclər Evinin direktoru Günel Həsənova, Binəqədi Rayon Gənclər və İdman İdarəsinin əməkdaşları və gəncləri iştirak edib.
Tədbir müddətində şəhidlərimizin atası Elman Məmmədov Bəhrəm və İmanın vətən sevgisindən, necə mübariz olduğundan danışıb.
Verilən sualları ətraflı cavablandıran şəhidimizin atası, sonda gənclərlə birlikdə xatirə şəkli çəkdirib.
Qeyd edək ki, Azərbaycan Ordusunun əsgəri olan Bəhrəm və İman Məmmədzadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Xocavənd rayonunun Qırmızı Bazar qəsəbəsinin azadlığı uğrunda gedən döyüşlərdə savaşıb. Bəhrəm və İman Məmmədzadə noyabrın 1-də Qırmızı Bazar döyüşləri zamanı şəhid olublar.
Bineqedi.info
