Binəqədi rayon Gənclər və İdman İdarəsinin və “Kempo” Kontakt Karate klubunun birgə təşkilatçılığı ilə Hövsan Olimpiya İdman Kompleksində Kontakt Karate üzrə klublar arası açıq birincilik keçirilib.
Bineqedi.com saytı xəbər verir ki, yarışda Binəqədi rayon Gənclər və İdman İdarəsinin baş məsləhətçisi Elvin Quliyev, Azərbaycan Kontakt Karate Federasiyasının Prezidenti Ruslan Abbasov, “Kempo” Kontakt Karate Klubunun Prezidenti Şəmsi Hüseynov və idman ictimaiyyəti iştirak ediblər. Turnirdə 150-dən çox idmançı qalib adı uğrunda mübarizə aparıb.
İlk öncə şəhidlərin əziz xatirəsi 1 dəqiqəlik sükutla yad edilib və dövlət himni səsləndirililib. Ardınca isə turnirə start verilib və idmaçılar qalib adına nail olmaq üçün əzmkar mübarizə aparıblar.
Turnirinin nəticəsinə əsasən qalib gələn idmaçılar kubok, medal və müvafiq dərəcəli diplomlar əldə ediblər. Turnirdə iştirak edən idman ictimaiyyəti, fəxri qonaqlar və hakimlər fəxri fərman ilə təltif ediliblər.
Bineqedi.com
