Binəqədi rayonunda piyadanın xəsarət almasına səbəb olan yol qəzası baş verib.
Bineqedi.info Oxu.Az-a istinadən xəbər verir ki, Gülüstan qəsəbəsi D 11 ünvanında “99 ER 042” dövlət nömrə nişanlı “Ford” markalı minik avtomobili yolu keçmək istəyən piyada, 27 yaşlı Qədirov Xəzər Qürbət oğlunu vurub.
Yaralı dərhal xəstəxanaya yerləşdirilib.
Ona qapalı kəllə-beyin travması diaqnozu qoyulub.
Faktla bağlı Binəqədi Rayon Polis İdarəsində araşdırma aparılır.
