Binəqədi Rayon Gənclər və İdman İdarəsinin və 6 nömrəli Uşaq Gənclər İnkişaf Mərkəzi Publik Hüquqi Şəxsin birgə təşkilatçılığı ilə Novruz bayramı münasibətilə “Xoş qədəmləri ilə bu elə Novruz gəlir” mövzusunda şeir müsabiqəsi keçirilib.
Bineqedi.com saytı xəbər verir ki, müsabiqənin keçirilməsində məqsəd Novruz bayramının qeyd etmək, xalqımızın adət-ənənələrini yaşatmaq, bayram adətlərini yeni nəslə ötürmək, şagirdlərin milli ruhda yetişdirilməsini təmin edilmək, istedadlı şagirdlərin bədii-qiraət
sahəsində öz bacarıqlarını nümayiş etdirmələri üçün şəraitin yaradılmasıdır.
Müsabiqənin nəticəsinə əsasən, qalib gəlmiş iştirakçıların mükafatlandırma mərasimində Binəqədi Rayon Gənclər və İdman İdarəsinin rəisi Namiq Tarverdiyev, 6 nömrəli Uşaq Gənclər İnkişaf Mərkəzi Publik Hüquqi Şəxsin direktoru Ziyat Nəbiyev iştirak edib.
Qaliblər müvafiq dərəcəli diplomlarla təltif olunmuş, digər fərqlənən iştirakçılara diplom təqdim edilib.
Bineqedi.com
