Binəqədi Rayon Dövlət Yol Polisi Şöbəsinin əməkdaşları yeni dərs ilinin başlanması ilə əlaqədar orta məktəblərdə maarifləndirici aksiyalar keçiriblər.
Bineqedi.info Daxili İşlər Nazirliyinin mətbuat xidmətinə istinadən xəbər verir ki, şöbənin əməkdaşları Bakı Şəhər Dövlət Yol Polisi İdarəsi tərəfindən hazırlanmış və maarifləndirici şüarların əks olunduğu plakatları rayon ərazisindəki məktəblərin binalarının üzərinə vurublar. Yol polisi əməkdaşları müəllimlər və valideynlərlə təbliğat xarakterli söhbətlər aparıb, yol hərəkəti qaydaları şagirdlərə izah edilib. Valideynlərə tövsiyə olunub ki, avtomobillərini məktəblərin önündə saxlamasınlar.
Şagirdlərə yol polisi tərəfindən hazırlanmış maarifləndirici kitabçalar, müxtəlif hədiyyələr verilib.
