Bu gün Binəqədi rayonunda yanğın hadisəsi baş verib.
Bineqedi.com saytı FHN-ə istinadən xəbər verir ki, “112″ qaynar telefon xəttinə Əliyar Əliyev küçəsinin Binəqədi rayonu ərazisinə düşən hissəsində boş ərazidə yanğın olması barədə məlumat daxil olub.
Məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.
Yanğın yanğından mühafizə bölmələri tərəfindən qısa müddətdə söndürülüb.
Yanğın nəticəsində məişət tullantıları və quru ot 2 ha sahədə yanıb. Ərazinin plastikdən ibarət hasarı, ağaclar və ətraf ərazilər yanğından mühafizə olunub.