Binəqədi Rayon İcra Hakimiyyətinin başçısı Elxan Allahverdiyevin Biləcəri qəsəbə sakinləri ilə səyyar qəbulu keçirildi.
Bineqedi.com xəbər verir ki, görüşdə Yeni Azərbaycan Partiyası Binəqədi rayon təşkilatının sədri Vüsar İsmayılov, Rayon İcra Hakimiyyəti başçısının müavinləri, Aparatın məsul şəxsləri, bələdiyyə, inzibati ərazi dairəsi üzrə nümayəndəliyin, xidmət sahələrinin rəhbərləri iştirak etdilər.
Rayon İcra Hakimiyyəti başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər barədə vətəndaşlara ətraflı məlumatlar verdi. Qəsəbə sakinləri bundan öncəki görüşlərdə qaldırılmış problemlərin müsbət həlli ilə bağlı dövlət başçısına öz təşəkkürlərini bildirdilər.
Daha sonra RİH başçısı Elxan Allahverdiyev görüşdə iştirak edən sakinlərin Natəvan küçəsində hərbi hissənin yaxınlığında yerləşən meşə zolağına axan çirkab suların qarşısının alınması, 92 saylı avtobus xəttində istifadə olunan nəqliyyat vasitələrinin iri tutumlu avtobuslarla əvəz edilməsi, Şah Abbas küçəsində sahibsiz heyvanların ərazidən toplanması, Natiq Həşimi küçəsində sıradan çıxmış asfalt örtüyünün təmiri, İpək yolu küçəsində surət məhdudlaşdırıcı nişanlarının quraşdırılması, Füzuli küçəsində kanalizasiya xəttinin yuyulması, Y.Y Massivinə (Əkrəm Şadmanov küçəsi) yeni avtobus xəttinin açılması və 10 May küçəsində (“Yubiley” marketin qarşısı) avtomobil yoluna piyada zolaqlarının çəkilməsi, 5057/68 məhəlləsində yerləşən kiçik parkda sıradan çıxmış küçə işıqlarının bərpa edilməsi ilə əlaqədar aidiyyəti qurumlara müvafiq tapşırıqlar verdi.
Bineqedi.com
