Binəqədi Rayon İcra Hakimiyyətinin başçısı Elxan Allahverdiyevin 8-ci mikrorayon sakinləri ilə səyyar qəbulu keçirildi.
Bineqedi.com saytı xəbər verir ki, görüşdə Rayon İcra Hakimiyyəti başçısının müavinləri, Aparatın məsul şəxsləri, bələdiyyə, inzibati ərazi dairəsi üzrə nümayəndəliyin, xidmət sahələrinin rəhbərləri iştirak etdilər.
Rayon İcra Hakimiyyəti başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər barədə vətəndaşlara ətraflı məlumatlar verdi. Mikrorayon sakinləri bundan öncəki görüşlərdə qaldırılmış problemlərin müsbət həlli ilə bağlı dövlət başçısına öz təşəkkürlərini bildirdilər.
Daha sonra RİH başçısı Elxan Allahverdiyev görüşdə iştirak edən sakinlərin Azadlıq prospekti 184/24 saylı binada liftin təmir edilməsi və binanın həyətində ADSEA tərəfindən aparılan qazıntı işlərindən sonra sıradan çıxmış asfalt örtüyünün bərpa edilməsi, Ş.Məmmədova küçəsi 7 saylı binanın binanın həyətində ADSEA tərəfindən aparılan qazıntı işlərindən sonra sıradan çıxmış asfalt örtüyünün bərpa edilməsi, Azadlıq prospektində 3 yerdə (köməkçi yolda) piyada keçidi zolağının yenilənməsi, N.Nərimanov küçəsi 21 saylı binanın qarşısında quru şam ağaclarının kəsilməsi, Azadlıq prospekti 188 saylı binanın arxa hissəsində (köməkçi yolda) ADSEA tərəfindən aparılan qazıntı işlərindən sonra sıradan çıxmış asfalt örtüyünün bərpa edilməsi, Dərnəgül metrosunun ətrafında sahibsiz heyvanların ərazidən toplanması, N.Nərimanov küçəsi 85 saylı binanın I girişinin qarşısında əyilmiş şam ağacının götürülməsi əlaqədar aidiyyəti qurumlara müvafiq tapşırıqlar verdi.
