Binəqədi Rayon Gənclər və İdman İdarəsi və Binəqədi Gənclər Evinin dəstəyi, “ASAN Könüllüləri” Təşkilatının təşəbbüsü ilə təşkilatın könüllüləri arasında “Kim kimdir?” yarışı keçirilib.
Bineqedi.info saytına verilən məlumata görə, oyunun əsas məqsədi intellektual inkişafın stimullaşdırılması, ictimai iştirakçılıq və könüllülük fəaliyyətinin təbliği olub.
Təşkilatın 18 nəfər müxtəlif bacarıqlara sahib olan gənc könüllüsü və könüllülük fəaliyyətini başa vuran 6 nəfər iştirakçı oyuna qatılıb. İştirakçılar müxtəlif bacarıqlara sahib gənclərin müəyyən edilməsi üçün öz intuisiya və şəxsi qabiliyyətlərindən istifadə edərək oyun müddətində maraqlı mübarizə nümayiş etdirlər. Sonda bütün seçimlərində öz intuisiyasına güvənərək bacarıqlı gəncləri doğru müəyyənləşdirən Sevinc Qurbanova qalib olub.
Tədbirin mükafatlanma mərasimində Binəqədi Rayon Gənclər və İdman İdarəsinin rəisi Namiq Tarverdiyev və Binəqədi Gənclər Evinin direktoru Günel Həsənova iştirak edib, qalibə medal və diplom, digər iştirakçılara isə təşəkkürnamələr təqdim olunub.
Bineqedi.info
