Beynəlxalq Ana Dili Günü münasibətilə Binəqədi Rayonunda fəaliyyət göstərən 276, 182, Mirzə Xosrov Axundzadə adına 102 nömrəli tam orta məktəblərdə və 267 saylı məktəb-liseydə tədbir keçirilib və Binəqədi Rayon Mərkəzi Kitabxanasına ekskursiya təşkil edilib.
Bineqedi.info saytına verilən məlumata görə, məktəbin müəllim və şagirdlərinin iştirak etdikləri tədbirdə çıxış edənlər fevralın 21-nin Beynəlxalq Ana Dili Günü kimi qeyd edilməsinin tarixindən danışıb, dilimizin zənginləşdirilməsi və inkişaf etdirilməsində ulu öndər Heydər Əliyevin xidmətlərini xüsusi vurğulayıblar.
Tədbirdə məktəblilərin ifasında ana dilimizin gözəlliyini tərənnüm edən şeirlər səslənmiş, mahnılar oxunmuş, ədəbi-bədii kompozisiya təqdim edilib.
Bineqedi.info
