Binəqədi Rayon Gənclər və İdman İdarəsi və Binəqədi Gənclər Evi sosial xidmət müəssisəsinin birgə təşkilatçılığı ilə Ümummilli lider Heydər Əliyevin anadan olmasının 99-cu ildönümünə həsr olunmuş “Sən elə bir zirvəsən” adlı musiqili-bədii tədbir keçirilib.
Bineqedi.info saytı xəbər verir ki, tədbirdə Binəqədi Rayon Gənclər və İdman İdarəsinin rəisi Namiq Tarverdiyev, Binəqədi Gənclər Evi sosial xidmət müəssisəsinin direktoru Günel Həsənova iştirak etmişdir.
Tədbir ümumilli lider Heydər Əliyevin ifa etdiyi “Alagöz” musiqisi ilə başlamış, daha sonra Binəqədi Gənclər Evinin milli triosu tərəfindən “Alagöz”, “Qal sənə qurban”, “Dağlarda duman gözəldir”, “Qarabağ” mahnıları ilə davam etmişdir.
Gənclərimiz və əməkdaşımız Tural Əsgərov tərəfindən “Ulu bir sərkərdə” və “Azərbaycan” şeirləri ifa edilmişdir.
Tədbir ümumilli lider Heydər Əliyevin ifa etdiyi “El bilir ki, sən mənimsən” şeiri ilə sonlanmışdır.
Bineqedi.info
