Azərbaycan Respublikası Gənclər və İdman Nazirliyi, Təhsil Nazirliyi və Azərbaycan İdman Könüllüləri İctimai birliyinin birgə imzaladığı əsasnaməyə əsasən “Çempionumuz” sosial idman layihəsi çərçivəsində Binəqədi rayonu 179 №-li tam orta məktəbdə Uşu idman növü üzrə dörd qat Avropa çempionu Elçin Eminov ilə məktəblilərin görüşü keçirilib.
Bineqedi.info saytına verilən məlumata görə, tədbirdə Binəqədi rayon Gənclər və İdman İdarəsinin baş məsləhətçisi Elvin Quliyev, Binəqədi rayon 179 saylı tam orta məktəbin direktoru Bayaz Novruzova, Uşu idman növü üzrə dörd qat Avropa çempionu Elçin Eminov və gənclər iştirak etmişdir.
İlk öncə Vətən müharibəsi şəhidlərinin xatirəsi 1 dəqiqəlik sükutla yad edildi.
Daha sonra idarənin baş məsləhətçisi Elvin Quliyev tədbir iştirakçılarını salamlayaraq tədbirlə bağlı məlumat verdi və idmançımızın ümumi idman nailiyyətlərindən söz açdı.
Daha sonra söz Binəqədi rayon 179 saylı tam orta məktəbin direktoru Bayaz Novruzovaya verildi. O, tədbir iştirakçılarını salamladıqdan sonra tədbirin təşkil olunmasına görə Binəqədi rayon Gənclər və İdman İdarəsinə xüsusi təşəkkürünü bildirdi. Çıxışa Elçin Eminov davam edərək qazandığı nailiyyətlər barəsində gənclərə məlumat verdi.
Tədbir idmançımızın gəncləri marağlandıran suallarını cavablandırması ilə davam etdi.
Yekunda idmançımıza idarə tərəfindən Fəxri Fərman verildi və məktəbdə təşkil olunmuş guşədə məktəblilər və pedoqoji heyət ilə xatirə şəkilləri çəkildi.
