Binəqədi Rayon İcra Hakimiyyətinin dəstəyi, Binəqədi rayon Gənclər və İdman İdarəsi və “Binəqədi Gənclər Evi” sosial xidmət müəssisəsinin birgə təşkilatçılığı ilə 248 №-li tam orta məktəbdə “Şuşa ili”nə həsr olunmuş voleybol (qızlar) turniri keçirilib.
Bineqedi.com saytı xəbər verir ki, turnirin nəticəsinə əsasən, 1-ci yeri 284 №-li tam orta məktəbin komandası, 2-ci yeri 248 №-li tam orta məktəbin komandası, 3-cü yeri 314 №-li tam orta məktəbin komandası tutub.
Qaliblərin mükafatlandırılması mərasimində Binəqədi rayon Gənclər və İdman İdarəsinin rəisi Namiq Tarverdiyev və “Binəqədi Gənclər Evi” sosial xidmət müəssisəsinin əməkdaşı Nigar Qafarlı iştirak ediblər.
Bineqedi.com
