Binəqədi Rayon Gənclər və İdman İdarəsi və Binəqədi Gənclər Evinin birgə təşkilatçılığı ilə 8 noyabr – Zəfər Günü münasibətilə Vətən müharibəsi iştirakçısı, qazi Əfqan Zamanovla görüş keçirilib.
Bineqedi.com xəbər verir ki, tədbirdə Binəqədi rayon Gənclər və İdman İdarəsinin rəisi Namiq Tarverdiyev, “Binəqədi Gənclər Evi” sosial xidmət müəssisəsin direktoru Günel Həsənova və gənclər iştirak edib.
Görüşdə Əfqan Zamanov ilk öncə tədbirin moderatoru Fərəh Quliyeva tərəfindən ünvanlanan suallar ətrafında danışıb. O, Vətən müharibəsinə könüllü şəkildə necə qoşulmasından, oradakı əsgər, gizir və zabitlərimizin göstərdikləri qəhrəmanlıqlardan söz açıb.
Ə. Zamanov 44 günlük müharibənin Azərbaycan tarixinə şərəfli bir dövr kimi yazıldığını və əsrlər ötsə də, hər zaman fəxrlə haqqında danışılacağını bildirib. Qazimiz gənclər tərəfindən verilən sualları da ətraflı şəkildə cavablandırıb və onlara öz məsləhətlərini verib.
Bineqedi.com
