Binəqədi RİH başçısının Biləcəri qəsəbə sakinləri ilə səyyar qəbulu keçirilib – FOTOLAR

Bineqedi.com xəbər verir ki, görüşdə YAP Binəqədi rayon təşkilatının sədri Vüsar İsmayılov, Rayon İcra Hakimiyyəti başçısının müavinləri, Aparatın məsul şəxsləri, bələdiyyə, qəsəbə inzibati ərazi dairəsi üzrə nümayəndəliyin, xidmət sahələrinin rəhbərləri iştirak edirdilər.

Rayon İcra Hakimiyyəti başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər barədə vətəndaşlara ətraflı məlumatlar verdi. Qəsəbə sakinləri bundan öncəki görüşlərdə qaldırılmış problemlərin müsbət həlli ilə bağlı dövlət başçısına öz təşəkkürlərini bildirdilər.

Daha sonra RİH başçısı Elxan Allahverdiyev görüşdə iştirak edən sakinlərin xahişi ilə Biləcəri qəsəbəsində məzarlıq üçün yer ayrılması, Y.Hüseynov küçəsində kollektorun təmizlənməsi və kanalizasiya xəttinin təmiri, Füzuli küçəsində yerləşən piyada tunelin işıqlanması və təmir edilməsi, N.Həşimi küçəsi 33 saylı binanın qarşısında mövcud söhbətgahın təmiri, 297 saylı məktəbin həyətində çökəkliklərin asfaltlanması, 83 saylı marşrut xəttində avtobus sayının artırılması, 91 saylı marşurutun yeni avtobuslarla əvəz olunması ilə bağlı müraciətlərini dinlədikdən sonra qaldırılan məsələlərin həlli istiqamətində müvafiq tədbirlərin görülməsi ilə əlaqədar aidiyyəti qurumlara müvafiq tapşırıqlar verdi.