Bakının Binəqədi rayonunda ağır xəsarətlə nəticələnən döyülmə hadisəsi baş verib.
Bineqedi.com saytı “Report”a istinadən xəbər verir ki, 1984-cü il təvəllüdlü Ə. E. Azər qızı tanışı tərəfindən döyülərək xəsarət alıb.
Yaralı təcili tibbi yardımın köməkliyi ilə xəstəxanaya çatdırılıb.
Müayinə zamanı ona üz-baş, aşağı ətrafların hematoması və döş qəfəsinin küt travması diaqnozları qoyulub.
Hadisənin təfərrüatı araşdırılır.
Binəqədidə digər bir hadisədə isə avtomobil 68 yaşlı qadını vuraraq öldürüb.
Bineqedi.com saytının APA-ya istinadən məlumatına görə, hadisə Binəqədi rayonu, Biləcəri qəsəbəsində qeydə alınıb.
Zeynal Məmmədov idarə etdiyi “Hyundai İX-35” markalı avtomobillə piyada, 1955-ci il təvəllüdlü Qənirə Hacıyevanı vurub.
Piyada aldığı xəsarətdən xəstəxanaya yerləşdirilsə də, orada ölüb.
