2023-cü il yanvar ayının 20-də Baş nazir Əli Əsədovun qərarı ilə dövlət orqanlarında işləyən, ancaq dövlət qulluqçusu olmayan işçilərin (qeydiyyatçı, nəzarətçi, təsərrüfat işçisi, xadimə, dalandar, bağban, gözətçi, ocaqçı, ixtisas dərəcəsi olmayan fəhlə və s.) aylıq vəzifə maaşları 30 manat artırılıb. Qərardan sonra, maaşlar aşağıdakı kimidir:
Ali kateqoriya dövlət orqanlarında – 400 manat
1-ci kateqoriya dövlət orqanlarında – 385 manat
2-ci və 3-cü kateqoriya dövlət orqanlarında – 365 manat
4-cü və 5-ci kateqoriya dövlət orqanlarında – 345 manat
Qərarın növbəti hissəsində isə işçilərin mükafatlandırılmasından bəhs edilir. Sənədin 2-ci bəndində bildirilir ki, yuxarıda qeyd olunan işçilərin mükafatlandırılması məqsədilə onların aylıq vəzifə maaşının 3 misli həcmində əlavə vəsait nəzərdə tutulur.
Sosial şəbəkələrdə məlumat yayılıb ki, qərarda nəzərdə tutulan 3 misli maaş il ərzində 3 dəfə bayram günlərində və mükafat formasında ödəniləcək.
Bəs əlavə maaşların tətbiq ediləcəyi dövlət qurumları hansılardır?
Baş nazirin qərarına əsasən, maaş artımı və əlavə mükafat ali kateqoriya, 1-ci, 2-ci, 3-cü, 4-cü, 5-ci kateqoriyaya aid olan dövlət qurumlarında işləyən dövlət qulluqçusu olmayan işçilərə (qeydiyyatçı, nəzarətçi, təsərrüfat işçisi, xadimə, dalandar, bağban, gözətçi, ocaqçı, ixtisas dərəcəsi olmayan fəhlə və s.) aiddir. Qeyd olunan kateqoriyalarda nəzərdə tutulan dövlət orqanları aşağıdakılardır:
|
Ali Kateqoriya |
Prezident Administrasiyası Azərbaycan dövlətinin başçısının fəaliyyətini bilavasitə təmin edən digər orqanlar Nazirlər Kabineti Milli Məclis Konstitusiya Məhkəməsi Ali Məhkəmə |
|
Birinci Kateqoriya |
Naxçıvan Ali Məclisi Baş Prokurorluq Hesablama Palatası Məhkəmə-Hüquq Şurasının Aparatı İnsan Hüquqları üzrə müvəkkilinin (ombudsmanın) Aparatı |
|
İkinci Kateqoriya |
Naxçıvan Ali Məhkəməsi Naxçıvanın müvafiq icra hakimiyyəti orqanı Hərbi Prokurorluq Naxçıvan Prokurorluğu Naxçıvan İnsan hüquqları üzrə müvəkkilinin (ombudsmanın) Aparatı Apellyasiya məhkəmələri Mərkəzi Seçki Komissiyasının Aparatı Korrupsiyaya qarşı mübarizə üzrə Komissiyasının Katibliyi İcra hakimiyyəti orqanları Milli Televiziya və Radio Şurasının Aparatı |
|
Üçüncü Kateqoriya |
Müvafiq icra hakimiyyəti orqanlarının yanında yaradılan dövlət agentlikləri və dövlət xidmətləri İnsan hüquqları üzrə müvəkkilin (ombudsmanın) regional mərkəzləri Naxçıvan Mərkəzi Seçki Komissiyasının Aparatı Naxçıvan Muxtar Respublikasının müvafiq icra hakimiyyəti orqanları Naxçıvanın Televiziya və Radio Şurasının Aparatı Ağır cinayətlər məhkəmələri İnzibati məhkəmələr, kommersiya məhkəmələri, hərbi məhkəmələr Naxçıvan Muxtar Respublikasının Hərbi Prokurorluğu Bakı şəhər prokurorluğu |
|
Dördüncü Kateqoriya |
Müvafiq icra hakimiyyəti orqanları Müvafiq icra hakimiyyəti orqanlarının yerli bölmələri, müvafiq icra hakimiyyəti orqanlarının yanında, tabeliyində olan orqanlar Rayon (şəhər) məhkəmələri, rayon (şəhər) prokurorluqları və hərbi prokurorluqları |
|
Başinci kateqoriya |
Müvafiq icra hakimiyyəti orqanlarının yanında yaradılan dövlət agentliklərinin və dövlət xidmətlərinin, müvafiq icra hakimiyyəti orqanlarının yanında, tabeliyində olan orqanların yerli bölmələri, müvafiq icra hakimiyyəti orqanlarının yanında olan orqanlar, inzibati ərazi dairələri üzrə nümayəndəlikləri və sahə inzibati ərazi dairələri üzrə nümayəndəlikləri |
Modern.az
