Binəqədi rayonunda iki nəfər bıçaqlanıb.
Bineqedi.com saytı xəbər verir ki, hadisə rayonun Biləcəri qəsəbəsində qeydə alınıb.
Belə ki, yaşadıqları evin yaxınlığında yerləşən kafenin qarşısında tanımadıqları şəxs tərəfindən aralarında yaranmış mübahisə zamanı 34 yaşlı Alışov Pərviz Ağaverdi oğlu və 25 yaşlı Mirzəyev Elcan Şahüseyin oğlu bıçaqlanıblar. Yaralılar xəstəxanaya yerləşdirilib.
Şübhəli şəxs qismində 22 yaşlı İmanov Pənah Xanad oğlu saxlanılıb.
Faktla bağlı cinayət işi başlanılıb.
***
Binəqədi rayonunun Biləcəri qəsəbəsində autizm sindromundan əziyyət çəkən uşaq itkin düşüb.
7 yaşlı Məmmədov Mehman Tehran oğlu yaşadığı evdən çıxıb və bir daha geri qayıtmayıb.
Azyaşlını görən şəxslərdən polisə məlumat vermələri xahiş olunur.
