Binəqədili məktəblilərin Gəncə-Şəmkir-Göygöl bölgəsinə ekskursiyası başa çatıb

IX-XI sinif şagirdləri üçün “Ölkəmizi tanıyaq” devizi ilə keçirilən maarifləndirici tur-aksiyanın 12 -ci turu çərçivəsində Binəqədi rayonunun təmsil edən məktəblilərin Gəncə-Şəmkir-Göygöl bölgəsinə səyahəti başa çatıb. Bu münasibətlə Binəqədi rayonu Heydər Əliyev adına mədəniyyət və istirahət parkında qarşılanma mərasimi təşkil olunub.
Bineqedi.info xəbər verir ki, qarşılama mərasimində Binəqədi Rayon İcra Hakimiyyəti başçısı Aparatının İctimai-siyais və humanitar məsələlər şöbəsinin müdiri Nicat Allahverdiyev, YAP Binəqədi rayon təşkilatının sədri Ramiz Göyüşov, müdir müavini Şəmsi Gülverdiyev, tur-aksiya iştiraçılarının valideynləri iştirak edib.
YAP Binəqədi rayon təşkilatının sədri Ramiz Göyüşov uşaqları salamlayaraq bildirdi ki, bu layihə çərçivəsində şagirdlərimiz ölkəmizin qərb rayonlarından olan Gəncə, Şəmkir və Göygöl rayonlarında tarixi abidələr, muzeylər, regionların sosial iqtisadi inkişafı ilə tanış olmaqla yanaşı, ölkəmizin füsunkar təbiəti ilə də tanış olublar.
Məlumat üçün qeyd edək ki, aksiya zamanı tur-aksiyanın iştirakçıları üçün təşkil edilmiş Nə? Harda? Nə zaman? intellektual yarışında Binəqədi məktəbliləri ikinci yeri qazanıb.