20 noyabr 2019-cu il tarixdə Binəqədi Rayon İcra Hakimiyyətinin inzibati binasında Binəqədi Rayon İcra Hakimiyyətinin başçısı Elxan Allahverdiyevin qəbulu keçirilib.
Bineqedi.info-nun məlumatına görə, qəbulda RİH başçısının müavini, aparatın şöbə müdirləri iştirak ediblər.
Qəbulda müraciət edən 7 nəfər sakin tərəfindən tikinti aparılmasına icazə verilməsi, maddi yardım göstərilməsi, mənzillə təmin olunma, işlə təmin olunmasına köməklik göstərilməsi və s. problemlərə dair qaldırılan məsələlər dinlənildikdən sonra, Rayon İcra Hakimiyyətinin başçısı Elxan Allahverdiyev məsələlərin həlli ilə əlaqədar aidiyyəti üzrə konkret tapşırıqlar verib.
Eyni zamanda, RİH başçısı digər müraciətlərlə bağlı vətəndaşlara müvafiq izahatlar verib.
