Şəhid Məmmədli Murad Teymurşah oğlunun doğum günü ilə əlaqədar məzarı ziyarət olundu.
Bineqedi.com-a verilən məlumata görə, ziyarətdə şəhidimizin ailə üzvləri, yaxınları, Binəqədi Rayon İcra Hakimiyyəti başçısı Aparatının Müharibə iştirakçıları və şəhid ailələri ilə işin təşkili sektorunun əməkdaşı Rəhman Qəhrəmanov və digərləri iştirak etdilər.
Mərasimdə şəhidimizin ruhuna dualar oxundu, məzarı üzərinə tər güllər düzülüdü.
Qeyd edək ki, Murad Teymurşah oğlu Məmmədli 27 yanvar 1996-cı ildə Bakı şəhəri Binəqədi rayonu, Biləcəri qəsəbəsində dünyaya göz açmışdı.
144 nömrəli tam orta məktəbdə orta təhsilinə başlamış və 2012-ci ildə Azərbaycan Dövlət Dəmir Yolu Liseyinə qəbul olmuşdu. İxtisasca maşinist idi. Muradın ən böyük arzularından biri ixtisası üzrə ali təhsil alıb, Bakı Metropolitenində maşinist işləmək idi. 2014-cü ildə həqiqi hərbi xidmətə yollanır və 2016-ci ildə hərbi xidmətin təşəkkürnamə ilə başa vurur.
Murad Məmmədli 21 sentyabr 2020-ci ildə səfərbərlikdən hərbi xidmətə, təlimlərə çağrılır. 27 sentyabr müharibə başlayandan o, torpaqlarımızın azadlığı uğrunda gedən döyüşlərdə qəhrəmancasına iştirak edərək 21 Oktyabr 2020-ci ildə Şəhidlik zirvəsinə ucalıb. Biləcəri qəsəbəsi qəbiristanlığı ərazisində yerləşən Vətən Müharibəsi Şəhidlərinin Xiyaban kompleksində dəfn edilib.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti İlham Əliyevin Sərəncamına əsasən Məmmədli Murad Teymurşah oğlu ölümündən sonra “Vətən uğrunda”, “Şuşanın azad olunmasına görə” və “Füzulinin azad olunmasına görə” medalları ilə təltif olunub.
Mərasimdə şəhidimizin ruhuna dualar oxundu, məzarı üzərinə tər güllər düzüldü.
Vətənimizin ərazi bütövlüyünün bərpası uğrunda canını fəda etmiş Şəhidlərimizin ruhu qarşısında baş əyir, onlara Uca Tanrıdan rəhmət diləyirik.
