Binəqədi rayonu 283 nömrəli tam orta məktəbin XI sinif şagirdi Reyhan Camalova İstanbulda keçirilən “TRT World Citizen Awards 2019”da yağış suyundan enerji istehsal edən “Rainergy” qurğusunu kəşf etdiyi üçün “Gənclik” mükafatına layiq görülüb. Bineqedi.info xəbər verir ki, mükafatlandırıma mərasimində çıxış edən R.Camalova təltif olunduğu üçün təşəkkür edərək öz uğurları barədə danışıb. Bu layihəni həyata keçirməkdə əsas məqsədin cəmiyyət üçün xeyirli bir addım atmaqdan ibarət olduğunu, “Gənclik” mükafatını isə gənclərin adından aldığını vurğulayıb.
