Beynəlxalq “Əlillər Günü” münasibətilə Binəqədi Rayonu İcra Hakimiyyətinin dəstəyi ilə yardım aksiyası keçirilib.
Bineqedi.info saytına verilən məlumata görə, aksiyada Binəqədi Rayon İcra Hakimiyyətinin İctimai-siyasi və humanitar məsələlər şöbəsinin müdir müavini Şəmsi Gülverdiyev, baş məsləhətçi Seymur Hacıyev, Kənan Kərimov iştirak edib. Aksiya çərçivəsində Binəqədi rayonunda fəaliyyət göstərən İctimai Birliklərin üzvü olan 70-dən çox əlil vətəndaşa Rayon İcra hakimiyyəti tərəfindən ərzaq yardımı verilib.
İctimai Birlik üzvləri əlillərə göstərilən diqqətə və qayğıya görə ölkə başçısı İlham Əliyevə, Azərbaycanın Birinci vitse-prezidenti, Heydər Əliyev Fondunun Prezidenti Mehriban xanım Əliyevaya öz minnətdarlıqlarını bildiriblər.
