Baş prokuror Kamran Əliyevin Əmri ilə Pərviz İbayev Binəqədi rayon prokuroru vəzifəsinə təyin edilib.
“Unikal”ın məlumatına görə, Pərviz İbayev Məhkəmə-Hüquq Şurasının keçmiş üzvü, tanınmış hakim Mansur İbayevin oğludur.
Qeyd edək ki, M. İbayev 1964-cü ildən məhkəmə orqanlarında işləməyə başlayıb.
Qubadlı, Ağdaş, Göyçay rayonlarında məhkəmə sədri, 1976-cı ildən 2000-ci ilə qədər Ali Məhkəmənin üzvü, 2000-ci ildən 2012-ci ilə kimi Ağır Cinayətlərə dair İşlər üzrə Məhkəmənin hakimi, eyni zamanda Məhkəmə Hüquq Şurasının və Mərkəzi Seçki Komissiyasının üzvü vəzifələrində işləyib.
2006-cı ildə isə “Şöhrət” ordeni ilə təltif edilib.
O, bir sıra səs-küylü cinayətlərlə bağlı məhkəmə proseslərinə hakimlik edib.
Mansur İbayev 2024-cü ilin avqust ayında vəfat edib.
“Qafqazinfo”nun əldə etdiyi məlumata görə, Binəqədinin yeni prokuroru Pərviz İbayev sabiq təhsil naziri Misir Mərdanovun kürəkənidir.
