20.01.2020-ci il tarixində “20 Yanvar Ümumxalq Hüzn Günü”nün 30-cu ildönümü münasibətilə Biləcəri qəsəbəsində ucaldılmış “Güllə yağışı” abidəsi ziyarət edilib.
Bineqedi.info saytına verilən məlumata görə, Binəqədi Rayon İcra Hakimiyyəti başçısının müavinləri, hüquq-mühafizə orqanlarının rəhbərləri, Aparatın şöbə müdirləri, əməkdaşları və rayon ictimaiyyətinin iştirak etdiyi anım mərasimində “Güllə Yağışı” abidəsinin önünə gül dəstələri qoyularaq, xalqımızın azadlığı yolunda canlarından keçən şəhidlərin ruhuna dərin ehtiramlarını bildiriblər.
