İkinci Qarabağ müharibəsinin ilk qadın şəhidi Arəstə Baxışovanın yaşadığı ev qazlaşdırılıb.
Bineqedi.info saytı xəbər verir ki, bu barədə “Azəriqaz” İstehsalat Birliyindən məlumat verilib.
Şəhid Arəstə Baxışovanın ailəsi Binəqədi rayonu Biləcəri qəsəbəsində yaşayır. Evlərində bu günədək təbii qazdan istifadə edilməyib. Evi yalnız elektrik enerjisi ilə çətinliklə isitməyə çalışıblar, lakin bu o qədər də yaxşı alınmayıb.
“Bu barədə bizə müraciət olunmasa da “Azəriqaz” İB-nin əməkdaşları problemdən xəbər tutaraq ailəyə baş çəkib. Razılıqlarını aldıqdan sonra fərdi yaşayış evində qazlaşma işlərinin aparılmasına başlanılıb”.
Xatırladaq ki, A.Baxışova sentyabrın 27-dən başlayan döyüşlər zamanı hərbçilərə tibbi yardım göstərilmək üçün cəbhəyə yollanıb. Bir neçə istiqamətdə qorxmadan, yorulmadan vəzifəsini icra edib. O, noyabrın 24-də yaralı hərbçiləri döyüş meydanından çıxararkən düşmən gülləsinə tuş gəlib.
Arəstə Baxışovanın Zəhra və Mərdan adlı iki övladı var.
