Daxili İşlər Nazirliyi vətəndaşlara müraciət edib.
“Azərbaycan Respublikasının Prezidenti, Silahlı Qüvvələrin müzəffər Ali Baş Komandanı cənab İlham Əliyevin rəhbərliyi ilə Ağdam rayonunun düşmən işğalından tamamilə azad edilməsi münasibətilə hər bir vətəndaşımızı ürəkdən təbrik edirik! Bununla yanaşı xatırlatmaq istəyirik ki, Nazirlər Kabinetinin 19 noyabr tarixli Qərarı ilə Azərbaycan Respublikasının ərazisində xüsusi karantin rejiminin müddəti uzadılıb. Odur ki vətəndaşlarımızdan xüsusi karantin rejiminin tələblərini pozmamağı, o cümlədən sosial məsafəni gözləmələrini və tənəffüs yollarını qoruyan tibbi maskalardan mütləq qaydada istifadə etmələrini xahiş edirik”, – deyə müraciətdə bildirilib.
“Səbrli və anlayışlı vətəndaşlarımıza əvvəlcədən təşəkkür edirik”.
