Binəqədi Rayon İcra Hakimiyyətinin dəstəyi, Binəqədi rayon Gənclər və İdman İdarəsinin təşkilatçılığı ilə 8 dekabr 2021-ci il tarixində tarixində 157 №-li tam orta məktəbdə Ulu Öndər Heydər Əliyevin anım gününə həsr olunmuş “Basketbol” (oğlanlar) turniri keçirilib.
Bineqedi.info saytına verilən məlumata görə, tədbirdə əvvəlcə dövlət himni səsləndirilib, ulu öndər Heydər Əliyevin əziz xatirəsi bir dəqiqəlik sükutla yad olunub.
“Basketbol” (oğlanlar) turnirinin nəticəsinə əsasən 1-ci yeri Şəhid Ələkbərov Əli komandası, 2-ci yeri Şəhid İsgəndərov Famil komandası, 3-cü yeri Şəhid Heydərov Rafiq komandası tutub.
Qaliblərin mükafatlandırılması mərasimində Binəqədi rayon Gənclər və İdman İdarəsinin baş məsləhətçisi Elvin Quliyev , 157 №-li tam orta məktəbin direktoru əvəzi edicisi Fatma İbrahimova və məktəb yaşlı gənclər iştirak edib.
Qeyd edək ki, Nazirlər Kabineti yanında Operativ Qərargahın təlimatlarına uyğun olaraq COVID-19 virusunun qarşısının alınması məqsədi ilə sosial məsafə qorunub. İştirakçılar hərarətləri yoxlanıldıqdan sonra basketbol medançasına daxil olublar.
Bineqedi.info
