Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyinin birgə imzaladığı əsasnaməyə əsasən “Çempionumuz” sosial idman layihəsi çərçivəsində Binəqədi rayonu 248 №-li tam orta məktəbdə güləş idman növü üzrə Avropa çempionatının bürünc mükafatçısı Zenfira Həşimova ilə məktəblilərin görüşü keçirilib.
Bineqedi.info tədbirdə Binəqədi Rayon Gənclər və İdman İdarəsinin baş məsləhətçisi Elvin Quliyev, güləş idman növü üzrə Avropa çempionatının bürünc mükafatçısı Zenfira Həşimova və gənclər iştirak etmişdir.
İlk öncə şəhidlərimizin xatirəsi 1 dəqiqəlik sükutla yad edilib.
İdarənin baş məsləhətçisi Elvin Quliyev tədbir iştirakçılarını salamlayaraq tədbirlə bağlı məlumat verib və idmançımızın ümumi idman nailiyyətlərindən söz açıb.
Daha sonra söz Zenfira Həşimovaya verilib və o, idman karyerası və qazandığı nailiyyətlər barədə gənclərə məlumat verib.
Tədbirdə idmançımız tərəfindən gəncləri maraqlandıran suallar cavablandırılıb.
Yekunda məktəbdə təşkil olunmuş guşədə məktəblilər və pedoqoji heyət ilə xatirə şəkilləri çəkilib.
Bineqedi.info
