Binəqədi rayonunda 18 oktyabr – Müstəqilliyin Bərpası Gününə həsr olunmuş badminton turniri keçirilib.
Bineqedi.com saytına verilən məlumata görə, Binəqədi Rayon İcra Hakimiyyətinin dəstəyi, Binəqədi rayon Gənclər və İdman İdarəsinin və “Binəqədi Gənclər Evi” sosial xidmət müəssisəsinin birgə təşkilatçılığı ilə 14 oktyabr 2022-ci il tarixində 276 №-li tam orta məktəbdə 18 oktyabr – “Müstəqilliyin Bərpası günü”nə həsr olunmuş badminton turniri keçirilib.
Badminton turnirinin nəticəsinə əsasən, 1-ci yeri 276 №-li tam orta məktəbin komandası, 2-ci yeri 100 №-li tam orta məktəbin komandası, 3-cü yeri 314 №-li tam orta məktəbin komandası tutub.
Qaliblərin mükafatlandırılması mərasimində Binəqədi rayon Gənclər və İdman İdarəsinin baş məsləhətçisi Elvin Quliyev və 276 №-li tam orta məktəbin direktoru Bəhram Şiriyev iştirak edib.
Bineqedi.com
