Bakıda köhnə şadlıq saraylarından birinin söküntü işlərinin yarımçıq qalması təhlükəli vəziyyət yaradıb.Obyektin hasara alınmaması təhlükəni daha da artırır. Hər an mişar daşları yaxınlıqdan keçən insanların üstünə düşə bilər.
Söhbət Binəqədi rayonu, ”Xutor” kimi tanınan ərazidəki Eldar Babayev küçəsinəki obyektdən gedir.
Obyektin söküntüsü yarımçıq qalıb. Bu isə əsl təhlükə mənbəyidir.
Mişar daşları istənilən an yaxınlıqdan keçən insanların, eləcə də digər nəqliyyat vasitələrinin üzərinə düşə bilər.
Yaxınlıqda yaşayanlar söküntü işlərinin təxminən 1 aydır ki, yarımçıq qaldığını deyirlər. Obyektin hasara alınmaması təhlükəni daha da artırır.
Məsələ ilə bağlı Binəqədi Rayon İcra Hakimiyyəti ilə əlaqə saxladıq. Qurumun ictimai-siyasi və humanitar məsələlər şöbəsinin baş məsləhətçisi Leyla Quliyeva bildirdi ki, məsələ artıq nəzarətə götürülüb.
Bineqedi.com saytı mövzu ilə bağlı daha ətraflı videomaterialı təqdim edir: