Binəqədi Gənclər Evində Gənclər və İdman Nazirliyinin dəstəyi, Binəqədi Gənclər Evinin və Binəqədi Rayon Gənclər və İdman İdarəsinin təşkilatçılığı ilə “Yüksəl” təcrübə proqramının bağlanış mərasimi təşkil olunub.
Binəqədi Gənclər Evindən Bineqedi.com saytına bildiriblər ki, tədbirdə “Binəqədi Gənclər Evi” sosial xidmət müəssisəsinin direktoru Günel Həsənova, Binəqədi Rayon Gənclər və İdman İdarəsinin rəisi Namiq Tarverdiyev və təcrübəçilər iştirak ediblər.
Açılışda çıxış edən Binəqədi Gənclər Evinin direktoru Günel Həsənova və Binəqədi Rayon Gənclər və İdman İdarəsinin rəisi Namiq Tarverdiyev gəncləri təbrik edib, onlara uğurlar arzulayıb.
Gənclər layihə müddətində keçirilən təlimlərin, görüşlərin, infoturların faydasından, bu müddətdə qazandıqları təcrübədən danışıblar.
Sonra layihə iştirakçıları üçün hazırlanan videoçarx izlənib.
Sonda iştirakçılara sertifikat təqdim olunub.
Qeyd olunub ki, layihə çərçivəsində keçirilən tədbirdə 35-dən çox gənc iştirak edib. Onlara gənclər və idman tədbirləri, intellektual yarışların keçirilmə qaydaları, həmçinin dövlət qulluğu, sertifikasiya və müsahibə mərhələləri haqqında məlumat verilib.
Bineqedi.com
