Bakıda avtomobil yuyan şəxsi elektrik cərəyanı vuraraq öldürüb.
Bineqedi.com xəbər verir ki, hadisə paytaxtın Binəqədi rayonu, Abay Kunanbayev küçəsində baş verib.
Həmin küçədə olan avtoyuma məntəqəsində işləyən Emin Ramin oğlu Əliyev avtomobil yuyarkən elektrik cərəyanı vurması nəticəsində ölüb.
Faktla bağlı Binəqədi Rayon Prokurorluğunda araşdırma aparılır.
***
“Binəqədi rayonu ərazisində, Heydər məscidinin qarşısında baş verən zəncirvari yol-nəqliyyat hadisəsində xəsarət alan olmayıb”.
Bunu açıqlamasında Bakı Şəhəri Dövlət Yol Polisi İdarəsinin (BŞDYPİ) bölmə rəisi, polis kapitanı Toğrul Nəsirli bildirib.
O qeyd edib ki, hadisə iyunun 9-u, saat 21:00-da qeydə alınıb.
“Hadisə iki BMW, KIA və “Hyundai” markalı avtomobillərin toqquşması nəticəsində baş verib. Maddi ziyanla nəticələnən qəzadır. Xəsarət alan yoxdur. Faktla bağlı araşdırma aparılır”, – deyə T.Nəsirli bildirib.
