Binəqədi Rayon İcra Hakimiyyətinin başçısı Elxan Allahverdiyevin 7-ci mikrorayon sakinləri ilə səyyar qəbulu keçirildi.
Bineqedi.com saytı xəbər verir ki, görüşdə YAP Binəqədi Rayon Təşkilatının sədri Vüsar İsmayılov, Rayon İcra Hakimiyyəti başçısının müavinləri, Aparatın məsul şəxsləri, bələdiyyə, inzibati ərazi dairəsi üzrə nümayəndəliyin, xidmət sahələrinin rəhbərləri iştirak etdilər.
Rayon İcra Hakimiyyəti başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər barədə vətəndaşlara ətraflı məlumatlar verdi. Mikrorayon sakinləri bundan öncəki görüşlərdə qaldırılmış problemlərin müsbət həlli ilə bağlı dövlət başçısına öz təşəkkürlərini bildirdilər.
Daha sonra RİH başçısı Elxan Allahverdiyev görüşdə iştirak edən sakinlərin A.Kunanbayev küçəsi ərazisində olan tut ağaclarının həşəratlara qarşı dezinfeksiya edilməsi, S.S.Axundov küçəsi “Seval” restoranının qarşısında 2 ədəd lyukun asfalt səviyyəsinə qaldırılması və ətrafında sıradan çıxmış yerin asfaltlanması, A.Kunanbayev bina 5b-nin1-ci girişində sıradan çıxmış navalçanın və yağış sularını aparan borunun bərpası, Ç.Yusifzadə küçəsində qurumuş və yıxılmış şam ağaclarının götürülməsi, F.Məlikov adına parkın dezinfeksiya edilməsi, S.S.Axundov küçəsi 4a saylı binanın həyətində ağacların budanması və sahibsiz heyvanların ərazidən toplanması, S.S.Axundov küçəsi 1v saylı binanın zirzəmisinin dezinfeksiya edilməsinə köməkliyin göstərilməsi ilə əlaqədar aidiyyəti qurumlara müvafiq tapşırıqlar verdi.
Bineqedi.com
