Dekabrın 30-da saat 17:30-da Binəqədi rayonunda yol-nəqliyyat hadisəsi baş verib.
Bineqedi.com xəbər verir ki, bu barədə Bakı Şəhər Dövlət Yol Polisi İdarəsinin (BŞDYPİ) baş inspektoru Rüstəm Əhmədli məlumat verib.
O qeyd edib ki, 77-BJ-013 dövlət nömrə nişanlı BMW markalı avtomobilin sürücüsü idarəetməni itirib:
“Sürücü əvvəlcə bordürə, daha sonra isə MAN markalı yük maşınına dəyib. Qəza nəticəsində BMW-də olan sürücü və sərnişin xəsarət alıblar. Faktla bağlı araşdırma aparılır”.
