Azərbaycan Respublikasının Dini Qurumlarla İş üzrə Dövlət Komitəsi İslam dininə aid ibadət yerləri və ziyarətgahlarda vakant vəzifələrin tutulması üçün müsahibə elan edib.
Modern.az xəbər verir ki, müsahibə çərçivəsində imam, imam müavini və dini ayinlərin icraçısı – müəzzin vəzifələri üzrə vakant yerlərə namizədlər seçiləcək.
İmam vəzifəsi üzrə ümumilikdə 15 vakant yer elan olunub. Vakansiyalar Bakı şəhərinin Yasamal və Binəqədi rayonlarında, həmçinin Xaçmaz, Mingəçevir, Kürdəmir, Cəlilabad, Masallı, Şirvan, Hacıqabul, Salyan, Biləsuvar, Şamaxı və İsmayıllıda yerləşən məscid və ibadət evlərini əhatə edir. Xaçmaz rayonunun Xudat şəhərindəki “İmam Hüseyn” məscidində imam vəzifəsi üzrə 2, digər ibadət yerlərində isə hər biri üzrə 1 vakant yer ayrılıb.
İmam müavini vəzifəsi üzrə 37 vakant yer mövcuddur. Bu vəzifə üzrə vakansiyalar Bakı şəhərinin Xəzər, Suraxanı və Qaradağ rayonlarında, eləcə də Abşeron, Xızı, Xaçmaz, Qusar, Zərdab, Sabirabad, Saatlı, İmişli, Lənkəran, Astara, Lerik, Cəlilabad, Masallı, Yardımlı, Salyan, Neftçala, Qəbələ, Balakən, Ağdam və Qax rayonlarında yerləşən məscid və ziyarətgahlarda elan edilib.
Dini ayinlərin icraçısı – müəzzin vəzifəsi üzrə isə 13 vakant yer ayrılıb. Vakansiyalar Bakının Sabunçu rayonundakı Maştağa qəsəbəsi “Qədim Cümə” məscidi, eləcə də Quba, Şabran, Ağdaş, Zərdab, Ucar, Göyçay, Hacıqabul, Ağcabədi və Bərdə rayonlarında yerləşən məscidləri əhatə edir.
Beləliklə, müsahibə çərçivəsində üç vəzifə üzrə ümumilikdə 65 vakant yerin tutulması nəzərdə tutulur.
Müsahibədə iştirak etmək istəyən namizədlərin sənədlərinin qəbuluna 13 avqust 2026-cı il saat 09:00-da başlanılacaq. Sənədlər 11 sentyabr 2026-cı il saat 18:00-dək qəbul ediləcək.
Namizədlər şəxsiyyət vəsiqəsinin surətini və ya şəxsiyyət vəsiqəsi barədə dövlət informasiya ehtiyatlarından çıxarışı, tərcümeyi-halı, dini ali və ya orta ixtisas təhsili haqqında sənədin notarial qaydada təsdiqlənmiş surətini və ya həmin sənəd barədə dövlət informasiya ehtiyatlarından çıxarışı təqdim etməlidirlər. Bundan başqa, sağlamlıq haqqında, narkoloji və ruhi-əsəb dispanserlərindən, eləcə də məhkumluq barədə arayış, dörd ədəd 3×4 ölçülü foto və ərizə tələb olunur.
Namizədlər tələb olunan sənədlərlə yanaşı, elmi-pedaqoji və yaradıcılıq fəaliyyətlərini təsdiqləyən sənədləri də təqdim edə bilərlər.
Sənədlər elektron qaydada sened@scara.gov.az elektron poçt ünvanına, AMIN informasiya sistemi vasitəsilə və ya kağız daşıyıcıda birbaşa Dini Qurumlarla İş üzrə Dövlət Komitəsinə təqdim edilə bilər.
Sənəd qəbulu başa çatdıqdan sonra müsahibənin keçiriləcəyi vaxt və yer barədə məlumat Dövlət Komitəsinin rəsmi internet saytında elan olunacaq.
Qeyd olunub ki, müsahibədə uğur qazanan namizəd yalnız sənədlərini təqdim etdiyi vakant vəzifəyə təyinat ala bilər.
İmam vəzifəsi üzrə:
1. Bakı şəhəri, Yasamal rayonu “Yasamal Hüseyniyyəsi” ibadət evi – 1 yer
2. Bakı şəhəri, Binəqədi rayonu “İmam Əli” məscidi – 1 yer
3. Xaçmaz rayonu, Xudat şəhəri “İmam Hüseyn” məscidi – 2 yer
4. Mingəçevir şəhəri “Heydər” məscidi – 1 yer
5. Kürdəmir rayonu, Sığırlı kəndi “Fatimeyi Zəhra” məscidi – 1 yer
6. Cəlilabad rayonu, Göytəpə şəhəri “İmam Zaman” məscidi – 1 yer
7. Masallı rayonu Boradigah qəsəbə məscidi – 1 yer
8. Masallı rayonu Qızılavar kənd məscidi – 1 yer
9. Şirvan şəhəri “Zeynalabidin” məscidi – 1 yer
10. Hacıqabul şəhəri “Hacı Yadulla” məscidi – 1 yer
11. Salyan rayonu Xıdırlı kənd məscidi – 1 yer
12. Biləsuvar şəhəri “İmam Əli” məscidi – 1 yer
13. Şamaxı rayonu Qaleybuğurd kənd məscidi – 1 yer
14. İsmayıllı rayonu, Lahıc qəsəbəsi “Bədöyün” məscidi – 1 yer
İmam müavini vəzifəsi üzrə:
1. Bakı şəhəri, Xəzər rayonu, Buzovna qəsəbəsi “Cəfəri Sadiq” məscidi – 1 yer
2. Bakı şəhəri, Xəzər rayonu, Zirə qəsəbəsi “Əli qədəmgahı” məscidi – 1 yer
3. Bakı şəhəri, Xəzər rayonu, Qala qəsəbəsi “Cümə” məscidi – 1 yer
4. Bakı şəhəri, Suraxanı rayonu, Zığ qəsəbəsi “Əli qədəmgahı” ziyarətgahı məscidi – 1 yer
5. Bakı şəhəri, Qaradağ rayonu, Sahil qəsəbə məscidi – 1 yer
6. Abşeron rayonu, Qobu qəsəbəsi “Əhlibeyt” məscidi – 1 yer
7. Abşeron rayonu, Fatmayı qəsəbəsi “İmam Hüseyn” məscidi – 1 yer
8. Xızı şəhəri, Xızı şəhər məscidi – 1yer
9. Xaçmaz rayonu Nərəcan kənd məscidi – 1 yer
10. Xaçmaz rayonu Çiləgir kənd məscidi – 1 yer
11. Xaçmaz rayonu, İstisu qəsəbəsi “Şeyx Ömər” məscidi – 1 yer
12. Xaçmaz rayonu Yalama kənd məscidi – 1 yer
13. Xaçmaz rayonu Pirquluoba kənd məscidi – 1 yer
14. Qusar rayonu Mucuq-oba kənd məscidi – 1 yer
15. Zərdab rayonu Kəndəbil kənd məscidi – 1 yer
16. Sabirabad rayonu Qalaqayın kənd məscidi – 1 yer
17. Sabirabad rayonu Qaratuğay kənd (2) məscidi – 1 yer
18. Sabirabad rayonu Azadkənd kənd məscidi – 1 yer
19. Saatlı rayonu Seyidlər kənd məscidi – 1 yer
20. İmişli şəhər “İmam Rza” məscidi – 1 yer
21. İmişli rayonu Muradxanlı kənd “Həzrət Əli” məscidi – 1 yer
22. Lənkəran rayonu Separadi kənd məscidi – 1 yer
23. Lənkəran rayonu Lüvəsər kənd məscidi – 1 yer
24. Astara rayonu Rudəkənar kənd məscidi – 1 yer
25. Lerik rayonu Hamarmeşə kənd məscidi – 1 yer
26. Lerik rayonu Günəşli kənd məscidi – 1 yer
27. Cəlilabad rayonu Alar kənd məscidi – 1 yer
28. Masallı rayonu Hüseynhacılı kənd məscidi – 1 yer
29. Masallı rayonu Alışanlı kənd məscidi – 1 yer
30. Yardımlı rayonu Ostayır kənd məscidi – 1 yer
31. Salyan rayonu Şorsulu kənd məscidi – 1 yer
32. Neftçala rayonu, Bankə qəsəbəsi “Həzrət Əli” məscidi – 1 yer
33. Neftçala rayonu Xıllı qəsəbəsi “Fatimeyi-Zəhra” məscidi – 1 yer
34. Qəbələ rayonu Həzrə kənd məscidi – 1 yer
35. Balakən rayonu Mahamalar kənd məscidi – 1 yer
36. Ağdam rayonu Xındırıstan kənd məscidi – 1 yer
37. Qax rayonu “Mərkəzi Cümə” məscidi – 1 yer
Dini ayinlərin icraçısı – müəzzin vəzifəsi üzrə:
1. Bakı şəhəri, Sabunçu rayonu, Maştağa qəsəbəsi “Qədim Cümə” məscidi – 1 yer
2. Quba rayonu Yenikənd kənd məscidi – 1 yer
3. Şabran rayonu Aygünlü kənd məscidi – 1 yer
4. Ağdaş rayonu Yuxarı Ləki kəndi “Məhəmmədəli” məscidi – 1 yer
5. Ağdaş rayonu Qarağan Sədi kənd məscidi – 1 yer
6. Zərdab rayonu Əlibəyli kənd məscidi – 1 yer
7. Ucar rayonu Lək kənd məscidi – 1 yer
8. Göyçay rayonu Potu kənd məscidi – 1 yer
9. Göyçay rayonu Aşağı Qaraməryəm kənd məscidi – 1 yer
10. Hacıqabul rayonu, Muğan qəsəbəsi “Cümə” məscidi – 1 yer
11. Ağcabədi rayonu Rəncbərlər kənd məscidi – 1 yer
12. Ağcabədi rayonu Hacıbədəlli kənd məscidi – 1 yer
13. Bərdə rayonu Mollalı kənd məscidi – 1 yer
