Azərbaycan Respublikası Gənclər və İdman Nazirliyi və Azərbaycan Fotoqrafları Birliyi sizi “Qış möcüzəsi” adlı fotomarafonda iştirak etməyə dəvət edir.
Bineqedi.info saytına verilən məlumata görə, fotomarafonda yaşı 14-29 olan həm professional, həm də həvəskar gənc fotoqraflar iştirak edə bilər.
- Fotomarafon gənclər arasında foto sənətinə marağın artırılması, bu sahədə yeni istedadların aşkar edilməsi, ətraf aləmin gənclər tərəfindən estetik dərk edilməsinin təşviq edilməsi məqsədilə həyata keçirilir.
2. Fotomarafonda yaşı 14-29 olan həm professional, həm də həvəskar gənc fotoqraflar iştirak edə bilər.
3. Fotomarafona yalnız mobil telefonla çəkilən fotolar qəbul edilir.
4. Fotomarafon aşağıdakı mövzuları əhatə edir:
• Mənzərə
• Memarlıq
• Portret
• Atributlar
• Mətbəx
• Yeni il nəfəsi
5. Fotomarafon aşağıdakı qaydada həyata keçirilir:
• Fotomarafonun püşkatma mərasimi 17 dekabr 2019-cu il tarixində saat 15:00-da “Binəqədi Gənclər Evi” sosial xidmət müəssisəsində keçiriləcək.
• İştirakçıların qeydiyyatı aparılacaq, mövzu seçimi ilə bağlı püşkatma keçiriləcək, hər bir iştirakçının məlumatları (adı, soyadı, təvəllüdü, whatsapp nömrəsi) və seçdiyi mövzu qeyd olunacaq, ardıcıllığa uyğun olaraq iştirakçı nömrəsi veriləcək.
• Hər iştirakçı yalnız püşkatma zamanı seçilən mövzuda və yalnız bir foto təqdim edə bilər.
• Fotomarafona 19 dekabr 2019-cu il tarixində saat 12:00-da START veriləcək və saat 15:00-a qədər davam edəcək.
• FİNİSH vaxtı elan edildikdən sonra iştirakçılar çəkdikləri fotonu whatsapp vasitəsilə Binəqədi rayon Gənclər və İdman İdarəsinə təqdim etməlidirlər.
Whatsapp: +994 77-228-00-70
• Binəqədi rayon Gənclər və İdman İdarəsi tərəfindən toplanılan fotolar mövzular üzrə qruplaşdırılıb, müəllifi haqqında məlumatlar göstərilməklə elektron formada Gənclər və İdman Nazirliyinə təqdim olunacaqdır. - Təqdim olunan foto ilə bağlı 3-cü şəxsin məlumatlılığı və razılığı barədə cavabdehliyi foto müəllifi daşıyır.
- Fotomarafonda qeydiyyatdan keçən şəxs onun qaydalarının qəbul etmiş sayılır.
- Fotomarafon qaliblərinin seçimi Münsiflər heyəti tərəfindən həyata keçirilir.
