Prezident İlham Əliyevə vətəndaşlardan təşəkkür və dəstək məktubları gəlməkdə davam edir.
Bineqedi.info saytı həmin məktubları təqdim edir:
Möhtərəm cənab Prezident,
Sizin daxili və xarici siyasətinizi biz hər zaman dəstəkləmişik və elə bunun nəticəsidir ki, bu gün xalqımız sevinc hissi ilə möhtəşəm qələbə əzmini yaşayır. Buna görə Sizə dərin minnətdarlığımızı bildiririk.
Sizin Azərbaycan Televiziyasına müsahibənizi böyük maraq və diqqətlə izlədim, çox qürurlandım. Siz daim xalqın yanında olduğunuzu bir daha göstərdiniz. Bildirmək istəyirəm ki, bu xalq da Sizinlədir, biz Sizin həmişə arxanızdayıq, cənab Prezident!
Mən qürurla söyləyə bilərəm ki, mən və mənim dostlarım bu haqq yolunda Sizin yanınızdayıq və Sizə böyük uğurlar arzulayırıq. Biz Sizinlə fəxr edirik və Sizə güvənirik. Əmin olun ki, xalqımız Sizi çox sevir! Biz son nəfəsimizədək Sizinləyik!
Hörmətlə, Məmmədov Orxan
Azərbaycan Respublikası, Bakı şəhəri, Binəqədi rayonu.
***
Əziz və sevimli Prezidentim!
Mən “Evrika” liseyinin 4-cü sinif şagirdiyəm. Dərslərimi çox yaxşı oxuyuram, “əla” qiymətlər alıram.
Doğma torpaqlarımızın azad olunmasına görə mən çox sevinirəm. Hətta Zəfər Paradında da atamla birlikdə iştirak etmişəm. Mənim ən böyük arzum Sizi yaxından görmək və tanış olmaqdır.
Mən həmişə dərslərimi yaxşı oxuyacaq, Vətənimə layiqli övlad olacağam.
Sizə cansağlığı, uzun ömür arzulayıram. Sizi çox sevirəm.
Hörmətlə, Bədirli Banuçiçək, şagird.
Azərbaycan Respublikası, Bakı şəhəri, Binəqədi rayonu.
***
Hörmətli cənab Prezident, Müzəffər Ali Baş Komandan!
İkinci Qarabağ müharibəsində göstərdiyiniz qətiyyətli mövqeyinizə, möhkəm iradənizə, böyük zəfər uğrunda fədakar əməyinizə görə Sizə dərin təşəkkürümü bildirirəm. Mən fəxr edirəm ki, azərbaycanlıyam.
Mən Qubadlı şəhərindən məcburi köçkün kimi doğma torpaqlarımızın işğaldan azad edilməsinə çox sevinirəm. Həmin ərazilərdə aparılacaq abadlıq və quruculuq işlərində yaxından iştirak etməyə, fəaliyyət göstərməyə hər an hazır olduğumu bildirmək istəyirəm. Doğma Qubadlıda məskunlaşıb yaşamağı böyük səbirsizliklə gözləyirəm.
Sizə və ailənizə möhkəm cansağlığı, uzun ömür arzulayır, gələcək fəaliyyətinizdə böyük uğurlar diləyirəm.
Hörmətlə, Məmmədov Vüqar Çərkəz oğlu
Azərbaycan Respublikası, Bakı şəhəri, Binəqədi rayonu.
***
Müzəffər Ali Baş Komandan!
Sizi və bütün Azərbaycan xalqını böyük qələbə münasibətilə ürəkdən təbrik edirəm. Allah Sizi və ailənizi daim qorusun! Sizə və ailənizə uzun ömür, cansağlığı arzu edirəm.
Sizin rəhbərliyiniz altında şücaətli Ordumuz işğalda olan torpaqlarımızı illər sonra düşmən tapdağından azad etdi və bu qalibiyyət bütün azərbaycanlılar üçün əsl bayramdır. Xalqımızın Sizə olan inamı və güvəni sonsuzdur. Kimsə bu inamı qıra bilməz. Sizin kimi rəhbərimiz, Ali Baş Komandanımız olduğu üçün çox şanslıyıq. Bu zəfəri bizlərə yaşatdığınız üçün Sizə dərin təşəkkürümü bildirirəm. Sizin “dəmir” yumruğunuz sayəsində düşmən öz həddini bildi və anladı ki, Qarabağ Azərbaycandır.
Bir daha Sizi və Azərbaycan xalqını şanlı zəfərimiz münasibətilə səmimi qəlbdən təbrik edir, dövlətimizin inkişafı naminə qarşıdakı fəaliyyətinizdə böyük uğurlar arzulayıram.
Hörmətlə, Əhmədov Zahir Musa oğlu
Azərbaycan Respublikası, Bakı şəhəri, Binəqədi rayonu.
***
Azərbaycan Respublikasının Prezidenti, Ali Baş Komandanı, Sərkərdəsi, Milli Qəhrəmanı adına layiq olan İlham Heydər oğlu Əliyev,
Sizi doğma Qarabağımızın işğaldan azad olunması münasibətilə ürəkdən təbrik edirik.
Hörmətli Prezident, Sizin müdrikliyiniz sayəsində istər hərbi, istərsə də siyasi yolla Qarabağımız yağı düşmən tapdağından azad olundu. Allaha qurban olum ki, Sizin kimi insanı dünyaya bəxş edib və bu gün məhz Siz bizim Prezidentimizsiniz. Bizim ailəmiz Sizinlə fəxr edir. Siz bizim ömürlük rəhbərimizsiniz. Nə yaxşı ki, Siz varsınız. Mavi ekrandan Sizdən hər zaman sevinc müjdəli xəbərlər eşidəndə uçmağa qanadımız olmurdu. Şanlı Ordumuzun qeyrətli oğulları bu Qələbəni bizə bəxş etdi. Sizin dəmir yumruğunuz o qədər güclüdür ki, hətta dünyada ən güclü olan silahdan da qüvvətlidir. O dəmir yumruq yaxın vaxtda elə edəcəkdir ki, nankor düşmən Ermənistandan da qaçıb gedəcəkdir. Çünki o torpaqlar da bizimkidir. Allah şəhidlərimizə rəhmət eləsin. Yerləri nurla dolsun. Valideynlərinin qarşısında baş əyirik. Qazilərimizə Allahdan şəfa diləyirik. Allah hərbçilərimizi qorusun. Onların qanı bahasına şanlı Ordumuz zəfər çaldı.
Hörmətli Prezident, Allah Sizi pənahında saxlasın. Sizə və ailənizə uzun ömür, cansağlığı, işlərinizdə yeni-yeni nailiyyətlər arzulayırıq. Rəbbim Sizə yar olsun. Bizə mənəvi dayaq verən Türkiyə Prezidenti Rəcəb Tayyib Ərdoğan başda olmaqla bütün türk xalqına minnətdarlığımızı bildiririk. Allah bütün türk dünyasını qorusun. Ümumiyyətlə, bizə mənəvi dəstək verən bütün dövlətlərə təşəkkür edirik. Rəbbim ulu öndərimiz Heydər Əlirza oğlu Əliyevə rəhmət eləsin. Azərbaycan xalqı heç vaxt bu dahi şəxsiyyəti unutmayacaq. O, daim hamımızın ürəyindədir. Yaxşı ki, arzusu yerinə yetirildi və bu gün də ruhu şaddır. Bir daha ailəmiz Sizi dəstəkləyir və həmişə Sizinləyik. Allah işinizi avand eləsin.
Dünya tarixində bu günə kimi elə bir dövlət olmayıb ki, 44 gün ərzində o boyda sahəyə malik olan şəhərləri və rayonları düşmən tapdağından azad etsin. Siz yeni bir tarix yaratdınız. Bu şanlı tarixə dair saysız-hesabsız kinolar çəkiləcək, mahnılar qoşulacaq. Azərbaycanın ən yeni tarixi yazılacaq. Bunların hamısının başında Siz və şanlı Azərbaycan Ordusu dayanır. Artıq dünyanın mənəm-mənəm deyən ölkələri Ordumuzun zəfərindən danışır, Ordumuzun taktikasını öyrənməyə çalışırlar. Paxıl ermənipərəst ölkələrə ar olsun.
Şükür Allaha ki, bu şərəfli zəfər Azərbaycana nəsib oldu.
Əsgər balalarım, sizə yaxşı yol,
Vətən qeyrətini çəkən sizsiniz.
Alçağın, yaltağın, yağı düşmənin,
Gözündən qanlı yaş tökən sizsiniz.
Biz sizə arxayıq, çörəklə-duzla,
Siz bizə bəllisiz ünvanınızla
Düşmən hücum etsə al-qanınızla
Suvarıb torpağı əkən sizsiniz.
Yurdum od-ocağa qalanan vaxtı,
Torpağın çapılıb-talanan vaxtı,
Yağı gülləsi ilə yalanan vaxtı
Eli azad edib tikən sizsiniz.
Hörmətlə, Həsənov Şahmalı Məhər oğlu və ailə üzvləri.
Azərbaycan Respublikası, Bakı şəhəri, Binəqədi rayonu.
