Binəqədi Rayon İcra Hakimiyyətinin dəstəyi, Binəqədi Rayon Gənclər və İdman İdarəsinin və “Binəqədi Gənclər Evi” sosial xidmət müəssisəsin birgə təşkilatçılığı ilə “Azfar” MMC-nin stadionunda aprel döyüşlərinə həsr olunmuş məktəblilər arasında mini-futbol turniri keçirilib.
Bineqedi.info saytı xəbər verir ki, mini-futbol turnirinin nəticəsinə əsasən 83 №-li Məktəb-Liseyin komandası 1-ci yer, 297 №-li tam orta məktəbin komandası 2-ci yer, 217 №-li tam orta məktəbin komandası isə 3-cü yeri tutub.
Qaliblərin mükafatlandırılması mərasimində ilk öncə Aprel döyüşlərində qəhrəmanlıq göstərərək şəhid olan hərbçilərimizin əziz xatirəsi 1 dəqiqəlik sükutla yad edilib.
Daha sonra Binəqədi rayon Gənclər və İdman İdarəsinin əməkdaşları Elvin Quliyev və Sahil Hüseynzadə tərəfindən qaliblərə müxtəlif dərəcəli medal və diplomlar təqdim edilib.
Qeyd edək ki, turnir Azərbaycan Respublikasının Nazirlər Kabineti yanında Operativ Qərargahın təlimatlarına uyğun olaraq keçirilib.
Bineqedi.info
