TƏBİB: “Bu şəxslərə qızılca əleyhinə peyvənd vurula bilməz”

0
1482

“Hamilələr və digər yanaşı xəstəliyi olanlar üçün qızılca əleyhinə peyvənd vurulması əks göstərişdir”.

Bineqedi.com xəbər verir ki, bunu TƏBİB-in Yoluxucu xəstəliklər və infeksion nəzarətin təşkili şöbəsinin baş məsləhətçisi Turan İbrahimova deyib.

TƏBİB rəsmisi xatırladıb ki, qızılca çox yüksək yoluxuculuğa malik xəstəlikdir: “Bir otaqda qızılca xəstəliyi olan şəxs otaqda olan xəstəliyə yoluxmayan və peyvənd etdirməyən şəxsləri anında yoluxdura bilər. Bu xəstəlik əsasən uşaqlıq dövrü xəstəliyidir. Lakin uşaqlıqda bu xəstəliyi keçirməyibsə sonradan yoluxma ehtimalı var”.

Onun sözlərinə görə, xəstə şəxslərdə səpkilər üz nahiyəsindən başlayır və digər yerlərə yayılır: “Qızılca xəstəliyinin antiviral müalicəsi yoxdur. Ağırlaşması olmayan şəxslər ev şəraitində müalicə ala bilirlər. Peyvənd vurdurmayan şəxslər risk qrupuna aiddir. Valideynlər ağırlaşma riski olduqda, qızdırma pikləri olduqda dərhal ailə həkimləri ilə əlaqə saxlanılmalı, yaxud tibb müəssisəsində stasionar şəkildə müalicə aparılmalıdır. Ağırlaşma halları həm uşaqlar, həm də böyüklər arasında müşahidə oluna bilər. Risk qrupuna adətən 5 yaşdan aşağı uşaqlar və 20 yaşdan yuxarı şəxslər aiddir”.

“Hazırda ölkə ərazisində qızılcaya yoluxma sayında artım müşahidə olunur”.

Onun sözlərinə görə, yoluxma hallarının artmasına səbəb COVID-19 pandemiyası zamanı uşaqların peyvənddən kənar qalmasıdır.

TƏBİB rəsmisi bildirib ki, virus xəstəliklərindən qorunmağın ən effektiv yolu peyvəndlənmədir: “Koronavirus pandemiyasını da buna misal çəkmək olar. Peyvənd olunan şəxslər virusa yoluxsa da, bunu yüngül keçirə bilər. Qızılca peyvəndinə əks göstəriş olan hallar da var”.

Əvvəlki məqaləDaha bir uşaq qızılcadan vəfat etdi – TƏFƏRRÜATLAR
Növbəti məqalədəBinəqədi Rayon İcra Hakimiyyətində vətəndaşların fərdi qəbulu keçirilib – FOTO