Bakıda ev qarət olunub.
Bineqedi.com saytı xəbər verir ki, Daxili İşlər Nazirliyindən verilən məlumata görə, dekabrın 11-də Biləcəri qəsəbəsindəki evlərin birindən 4000 manat dəyərində qızıl-zinət əşyaları oğurlanıb.
Binəqədi rayon Polis İdarəsinin 6-cı Polis Bölməsi əməkdaşlarının keçirdikləri tədbirlərlə oğurluqda şübhəli bilinən Bakı şəhər sakini, əvvəllər məhkum olunmuş E.Mustafayev saxlanılıb.
***
Binəqədi rayonunda bir nəfərin 800 manat pulu və mobil telefonu talanıb.
Hadisə dekabrın 9-u Biləcəri qəsəbəsində baş verib.
Binəqədi RPİ 6-cı Polis Bölməsi əməkdaşlarının keçirdikləri tədbirlərlə quldurluq əməlini törətməkdə şübhəli bilinən Şəmkir rayon sakini A.Cəfərov saxlanılıb.
Binəqədi Rayon Polis İdarəsində araşdırma aparılır.
