Binəqədi Rayon İcra Hakimiyyətinin başçısı Elxan Allahverdiyevin Rəsulzadə qəsəbə sakinləri ilə səyyar qəbulu keçirildi.
Bineqedi.com-a verilən məlumata görə, görüşdə Yeni Azərbaycan Partiyası Binəqədi rayon təşkilatının sədri Vüsar İsmayılov, Rayon İcra Hakimiyyəti başçısının müavinləri, Aparatın məsul şəxsləri, bələdiyyə, inzibati ərazi dairəsi üzrə nümayəndəliyin, xidmət sahələrinin rəhbərləri iştirak etdilər.
Rayon İcra Hakimiyyəti başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər barədə vətəndaşlara ətraflı məlumatlar verdi. Qəsəbə sakinləri bundan öncəki görüşlərdə qaldırılmış problemlərin müsbət həlli ilə bağlı dövlət başçısına öz təşəkkürlərini bildirdilər.
Daha sonra RİH başçısı Elxan Allahverdiyev görüşdə iştirak edən sakinlərin Z.Qəmbərov küçəsi və Ramiz Aboyev parkında sahibsiz heyvanların toplanması, İncəçay küçəsində mərkəzi su xəttindən döngələrə ayrılan xətlərin mərkəzləşdirilməsinin təmin edilməsi, E.Rüstəmov küçəsi ilə M.İbrahimli küçəsinin kəsişməsində “AZƏRSU” ASC tərəfindən qazılmış asfalt örtüyünün bərpası, M.Ə.Rəsulzadə qəsəbəsi, S.Məmmədova küçəsi 59 saylı binanın həyətindəki tut ağacının budanması, R.Ağayev küçəsində ünvan lövhələrinin sayının artırılması, Binəqədi şossesi, 4-cü polis bölməsinin qarşısında eskalatorun təmir olunması, 2-ci Binəqədi küçəsində kanalizasiya quyusunun qapaqla təmin olunması, F.Rüstəmov küçəsində pilləkənlərin təmiri və məhəccərlərin quraşdırılması, Aydınbəyov küçəsində binanın qarşısında içməli su borusunun təmir olunması ilə bağlı müraciətlərini dinlədikdən sonra qaldırılan məsələlərin həlli istiqamətində müvafiq tədbirlərin görülməsi ilə əlaqədar aidiyyəti qurumlara müvafiq tapşırıqlar verdi.
Bineqedi.com
