Avqustun 28-də Rusiya ordusunun Kiyevə endirdiyi hava zərbələri nəticəsində Azərbaycan Respublikasının Ukraynadakı səfirliyinin binasına ziyan dəyib.
Bu barədə Baku TV-nin Şərqi Avropa Bürosunun müxbiri Mübariz Aslanov məlumat verib.
Onun sözlərinə görə, raketlərdən biri şəhərin Şevçenko rayonu ərazisində, səfirliyin yaxınlığına düşüb.
Hadisə nəticəsində səfirliyin bəzi qapı və pəncərələri, eləcə də konsulluq binasının dam örtüyündə çatlar əmələ gəlib. Həmçinin ərazidəki avtomobil qarajı və yaxınlıqdakı binalar zərər görüb.
Məlumata görə, səfirliyin şəxsi heyəti arasında xəsarət alan olmayıb, diplomatik nümayəndəlik fəaliyyətini davam etdirir.
Qeyd edək ki, son üç ayda bu ərazi ikinci dəfədir ki, Rusiya ordusunun hava hücumuna məruz qalır.
Daha ətraflı Baku TV-nin süjetində:
