“Su xətti çəkdilər, yolu bərbad hala salıb getdilər” – Binəqədi sakinlərindən ŞİKAYƏT

Binəqədi rayonu Ceyhun Hacıbəyli küçəsində yaşayan sakinlər illərdir ki, yolun dağılmış vəziyyətdə olmasından əziyyət çəkirlər.

Sakinlər bildirirlər ki, təxminən 15 il əvvəl burada su və kanalizasiya xətti çəkildikdən sonra yol bərbad hala düşüb və əsaslı təmir olunmayıb.

Sürücülər deyirlər ki, hazırda yolda çalalar əmələ gəlib və avtomobillərin gediş-gəlişində çətinlik yaranıb:

“Yol bərbad haldadır, heç kim də maraqlanmır. Gəlib qazdıqları yerin üstündən asfalt yaydılar, o da dağılıb getdi”.