Bakı şəhərində aparılan genişmiqyaslı abadlıq – quruculuq işləri çərçivəsində Binəqədi rayonunda da binaların, yolların, səkilərin, həyətlərin, parkların, sakinlərin ümumi istifadəsində olan yerlərin yenidən qurulması və əsaslı təmir işləri aparılır.
Bineqedi.com xəbər verir ki, təmir işləri zamanı parklarda yararsız vəziyyətə düşən oturacaqlar və uşaqlar üçün nəzərdə tutulan oyun meydançası təmir edilir, tamet daşları yenilənir, kiçik tutumlu zibil konteynerləri quraşdırılır, sanitar-təmizlik işləri aparılır, mövcud ağac və yaşıllıqlara aqrotexniki qulluq olunur.
Hazırda Azadlıq prospekti 188 ünvanında yerləşən məhəllə stadionunda və parkda əsaslı təmir işləri aparılır.
