Binəqədi rayonu ərazisində fəaliyyət göstərən Bakı Şəhər Mədəniyyət Baş İdarəsi A. Məlikov adına 11 nömrəli onbirillik musiqi məktəbində 1 iyun – Uşaqların Beynəlxalq Müdafiəsi Gününə həsr olunmuş konsert keçirilib.
Bineqedi.info saytının məlumatına görə, konserti məktəbin Nəzəriyyə şöbəsinin müəllimi Aytən Əzizova açıq elan edib.
Qeyd olunub ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Dünyanın əksər ölkələrində olduğu kimi bu gözəl gün Azərbaycanda da qeyd edilir.
Konsertdə məktəbin müxtəlif ixtisaslar üzrə təhsil alan şagirdlərinin ifasında Azərbaycan və xarici ölkə bəstəkarlarının əsərləri səsləndirilib.
Sonda məktəbin direktoru Rövşən Məmmədov insanlığın xoşbəxtliyi, dünyamızın gözəlləşməsi üçün dünyanın harasında olmağımızdan asılı olmayaraq, uşaqlarımızın xoşbəxt və sağlam olması diləyi ilə bütün uşaqların bayramını təbrik edib, xoşbəxt, sevincli, uğurlu bir həyat yolu arzulayıb.
Bineqedi.info
