8 Mart – Beynəlxalq Qadınlar Günü münasibətilə şeir müsabiqəsi keçirilib.
Binəqədi Rayon İcra Hakimiyyətinin dəstəyi, Binəqədi Rayon Gənclər və İdman İdarəsinin, “Binəqədi Gənclər Evi” sosial xidmət müəssisəsinin və 6 nömrəli Uşaq Gənclər İnkişaf Mərkəzinin birgə təşkilatçılığı ilə “Beynəlxalq Qadınlar Günü” münasibətilə Binəqədi rayon orta ümumtəhsil məktəblərinin şagirdləri arasında “Dünyanın ən gözəl sözüdür Ana” adlı şeir müsabiqəsi keçirilib.
Bineqedi.info xəbər verir ki, müsabiqənin keçirilməsində məqsəd 8 Mart – Beynəlxalq Qadınlar Gününün qeyd edilməsi, məktəblilərin nitq mədəniyyətinə, şeirə olan marağını artırmaq, istedadların üzə çıxarılması və dəstəklənməsi olub.
Şeir müsabiqəsinin münsiflər heyətində Binəqədi Rayon Gənclər və İdman İdarəsinin aparıcı məsləhətçisi Səadət Quliyeva və 6 nömrəli Uşaq Gənclər İnkişaf Mərkəzinin “Bədii qiraət” dərnəyinin müəllimləri Cəmilə Mehdiyeva, Çinarə Kərimli təmsil olunub.
Müsabiqənin nəticəsinə əsasən qalib gəlmiş iştirakçıların mükafatlandırma mərasimində Binəqədi Rayon Gənclər və İdman İdarəsinin rəisi Namiq Tarverdiyev, “Binəqədi Gənclər Evi” sosial xidmət müəssisəsinin direktoru Günel Həsənova iştirak etmişdir. Qaliblər müvafiq dərəcəli diplomlarla təltif olunmuş, digər fərqlənən iştirakçılara diplom və təşəkkürnamələr təqdim edilib.
Bineqedi.info
