Binəqədi rayonu ərazisində fəaliyyət göstərən tibb müəssisələrinin sayı çoxdur.
Bineqedi.info xatırladır ki, akademik Z.Əliyeva adına Milii Oftamologiya Mərkəzi, 11 özəl tibb mərkəzi, 3 Təcili Tibbi Yardım Stansiyası və Bakı şəhəri üzrə Səhiyyə İdarəsinin tabeliyində olan 12 tibb müəssisəsi, o cümlədən, 6 şəhər poliklinikası (9, 10, 11, 25, 27,35 nömrəli), 3 uşaq poliklinikası (11, 20, 21 nömrəli) fəaliyyət göstərir.
Bundan başqa, 9 nömrəli Qadın Məsləhətxanası, Azərbaycan Respublikasının Əmək və Əhalinin Sosial Müdafiəsi Nazirliyinin Əlilərin Bərpa Mərkəzi, Xocasən Sağlamlıq Mərkəzi, 8 nömrəli Təsərrüfat hesablı stomatoloji poliklinikası, 400 çarpayılıq çox profilli Ə.D.Məlikov adına 6 nömrəli Birləşmiş Şəhər Xəstəxanası və 575 çarpayılıq çox profilli Azərbaycan Dövlət Dəmir Yolunun Mərkəzi Dəmiryol Xəstəxanası və Poliklinikası rayon ərazisində yerləşir.
Müalicə-Profilaktika müəssisələrində rayon tibb müəssisələrinin strukturuna uyğun olaraq müxtəlif ixtisas həkimləri funksional diaqnostik kabinetlər və laboratoriyalar fəaliyyət göstərir.
Binəqədi rayonu ərazisində 6 iri idman sağlamlıq kompleksi var. Bunlar 8-ci mikrorayon, İ.Dadaşov küçəsində yerləşən “Bakı Tennis Akademiyası”, Biləcəri qəsəbəsi, Sumqayıt şossesi-3 d ünvanında yerləşən “Respublika Stend Atıcılığı İdman Kompleksi”, Biləcəri qəsəbəsi Y.Hüseynov-1 yerləşən “Lokomotiv İdman Sağlamlıq Mərkəzi Biləcəri Sarayı”, Biləcəri qəsəbəsi M.Hüseynzadə -2 yerləşən 1983-cü ildə istifadəyə verilmiş “Lokomotiv İdman Sağlamlıq Mərkəzinin Biləcəri İdman Kompleksi”, Binəqədi qəsəbəsi II Mədən korpus 93 yerləşən “Binəqədi İdman Sağlamlıq Kompleksi”, “Azəryol” Voleybol Kompleksidir.
