Elxan Allahverdiyevin 8-ci mikrorayon sakinləri ilə səyyar qəbulu keçirilib – FOTO

Bineqedi.com saytı xəbər verir ki, görüşdə Rayon İcra Hakimiyyəti başçısının müavinləri, Aparatın məsul şəxsləri, bələdiyyə, inzibati ərazi dairəsi üzrə nümayəndəliyin, xidmət sahələrinin rəhbərləri iştirak etdilər.

Rayon İcra Hakimiyyəti başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər barədə vətəndaşlara ətraflı məlumatlar verdi. Mikrorayon sakinləri bundan öncəki görüşlərdə qaldırılmış problemlərin müsbət həlli ilə bağlı dövlət başçısına öz təşəkkürlərini bildirdilər.

Daha sonra RİH başçısı Elxan Allahverdiyev görüşdə iştirak edən sakinlərin Azadlıq prospekti 186 və 188 ünvanlarında binanın qarşısında “Azərsu ASC” tərəfindən aparılmış qazıntı işlərindən sonra asfalt örtüyünün bərpa edilməsi, Azadlıq prospekti 188 saylı binanın qopmuş üzlüklərinin bərpa edilməsi, Binəqədi şossesində (10 saylı şəhər poliklinikası ilə üzbəüz) yerləşən keçidin işıqlandırılması, Azadlıq prospekti 180/20 ünvanında qurumuş olan 6 ədəd ağacın kəsilməsi, N.Nərimanov küçəsi ev 19, I girişin qarşısında olan kanalizasiya quyusuna yeni qapağın yerləşdirilməsi, Azadlıq prospekti 184/24 ilə 186/26 ünvanında “Azərsu ASC” tərəfindən aparılmış qazıntı işlərindən sonra asfalt örtüyünün bərpa edilməsi, H.Hüseynov küçəsi 23 ünvanında yaşayan vətəndaşın hərəkət məhdudiyyəti olan övladının əlil arabasının binanın girişində saxlanılması üçün yerin ayrılması ilə bağlı müraciətlərini dinlədikdən sonra qaldırılan məsələlərin həlli istiqamətində müvafiq tədbirlərin görülməsi ilə əlaqədar aidiyyəti qurumlara müvafiq tapşırıqlar verdi.