Binəqədi Rayon İcra Hakimiyyətinin dəstəyi, Binəqədi rayon Gənclər və İdman İdarəsinin təşkilatçılığı ilə 2 Fevral – Azərbaycan Gəncləri Günü münasibətilə 244 №-li tam orta məktəbdə 2020-ci ilin 23 yanvar tarixində “Basketbol” (qızlar), 24 yanvar tarixində isə basketbol (oğlanlar) birinciliyi keçirilib.
Bineqedi.info saytına verilən məlumata görə, “Basketbol” (qızlar) birinciliyinin nəticəsinə görə 1-ci yeri 244 №-li tam orta məktəbin komandası, 2-ci yeri 3 №-li tam orta məktəbin komandası, 3-cü yeri 143 №-li tam orta məktəbin komandası tutub.
“Basketbol” (oğlanlar) birinciliyinin nəticəsinə görə 1-ci yeri 83 №-li məktəb-liseyin komandası, 2-ci yeri 244 №-li tam orta məktəbin komandası, 3-cü yeri 115 №-li tam orta məktəbin komandası tutub.
Qaliblərin mükafatlandırılması mərasimində Binəqədi rayon Gənclər və İdman İdarəsinin baş məsləhətçisi Elvin Quliyev, aparıcı məsləhətçi Rafiq Nəsirov iştirak edib.